ଭୁବନେଶ୍ୱର, 24 ଅଗଷ୍ଟ (ହି.ସ.) ପୂର୍ବତନ କେନ୍ଦ୍ର ଅର୍ଥମନ୍ତ୍ରୀ ତଥା ପଦ୍ମ ବିଭୂଷଣ ସମ୍ମାନିତ ସ୍ୱର୍ଗତ ଅରୁଣ ଜେଟଲୀଙ୍କ ପୁଣ୍ୟତିଥି ଅବସରରେ ଓଡ଼ିଶାର ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହଦେଓ ତାଙ୍କୁ ଶ୍ରଦ୍ଧାର ସହ ସ୍ମରଣ କରିବା ସହ ରାଷ୍ଟ୍ର ପ୍ରତି ତାଙ୍କର ଅବଦାନକୁ ନମନ କରିଛନ୍ତି।

ସୋସିଆଲ ମିଡିଆରେ ଏକ ବାର୍ତ୍ତା ଜାରି କରି ଉପମୁଖ୍ୟମନ୍ତ୍ରୀ ଶ୍ରୀ ସିଂହଦେଓ ଅରୁଣ ଜେଟଲୀଙ୍କୁ ଜଣେ ବିଶିଷ୍ଟ ରାଷ୍ଟ୍ରନେତା ଭାବେ ସ୍ମରଣ କରିଛନ୍ତି। ତାଙ୍କର ତୀକ୍ଷ୍ଣ ବୁଦ୍ଧିମତ୍ତା, ପ୍ରଭାବଶାଳୀ ବକ୍ତୃତା ଏବଂ ସାର୍ବଜନୀନ ପ୍ରସଙ୍ଗ ସମ୍ପର୍କରେ ଗଭୀର ଜ୍ଞାନ ଭାରତର ଗଣତାନ୍ତ୍ରିକ ଯାତ୍ରାକୁ ସମୃଦ୍ଧ କରିଥିଲା ବୋଲି ସେ ଉଲ୍ଲେଖ କରିଛନ୍ତି।

ରାଷ୍ଟ୍ର ନିର୍ମାଣ କ୍ଷେତ୍ରରେ ଅରୁଣ ଜେଟଲୀଙ୍କ ଅବଦାନ ବିଶେଷ ଭାବେ ଆର୍ଥିକ ଓ ପ୍ରତିଷ୍ଠାନଗତ ସଂସ୍କାରକୁ ସୁଦୃଢ଼ କରିବା କ୍ଷେତ୍ରରେ ଗୁରୁତ୍ୱପୂର୍ଣ୍ଣ ଥିଲା ବୋଲି ଉପମୁଖ୍ୟମନ୍ତ୍ରୀ କହିଛନ୍ତି।

ସାର୍ବଜନୀନ ଜୀବନରେ ଅରୁଣ ଜେଟଲୀଙ୍କ ଚିନ୍ତାଧାରା, ରାଷ୍ଟ୍ରସେବା ଓ ଅବଦାନକୁ ସ୍ମରଣ କରି ଶ୍ରୀ ସିଂହଦେଓ କହିଛନ୍ତି ଯେ, ତାଙ୍କର ଅବଦାନ ଓ ଐତିହ୍ୟ ଦେଶବାସୀଙ୍କ ପାଇଁ ଦୀର୍ଘଦିନ ଧରି ପ୍ରେରଣାର ଉତ୍ସ ହୋଇ ରହିବ।

---------------

ହିନ୍ଦୁସ୍ଥାନ ସମାଚାର / ସମନ୍ୱୟ