ନୂଆଦିଲ୍ଲୀ, ୨୪ ଅଗଷ୍ଟ (ହି.ସ.)- ଗୋଆ ସରକାର କହିଛନ୍ତି ଯେ ଦୁଷ୍କର୍ମ ମାମଲାରେ ଦୋଷୀ ସାବ୍ୟସ୍ତ ହୋଇଥିବା ତହଲକାର ପୂର୍ବତନ ସାମ୍ବାଦିକ ତରୁଣ ତେଜପାଲଙ୍କୁ ସର୍ବୋଚ୍ଚ ନ୍ୟାୟାଳୟରେ ଅପିଲ ଦାଖଲ କରିବା ପୂର୍ବରୁ ସରେଣ୍ଡର କରିବା ଉଚିତ ଥିଲା। ତେଜପାଲ ଏହି ମାମଲାରେ ଦିଆଯାଇଥିବା ଦଶ ବର୍ଷର ଦଣ୍ଡକୁ ସର୍ବୋଚ୍ଚ ନ୍ୟାୟାଳୟରେ ଚ୍ୟାଲେଞ୍ଜ କରିଛନ୍ତି। ଅନ୍ୟପକ୍ଷରେ, ଗୋଆ ସରକାର ତେଜପାଲଙ୍କ ଦଣ୍ଡ ବଢ଼ାଇବାକୁ ଦାବି କରିଛନ୍ତି।

ଗୋଆ ସରକାରଙ୍କ ପକ୍ଷରୁ ସଲିସିଟର ଜେନେରାଲ ତୁଷାର ମେହତା ସର୍ବୋଚ୍ଚ ନ୍ୟାୟାଳୟରେ ଏହି କଥା କହିଥିଲେ। ଅନ୍ୟପକ୍ଷରେ, ତରୁଣ ତେଜପାଲଙ୍କ ପକ୍ଷରୁ ଉପସ୍ଥିତ ବରିଷ୍ଠ ଓକିଲ କପିଲ ସିବଲ କହିଥିଲେ ଯେ ତରୁଣ ତେଜପାଲଙ୍କୁ ସରେଣ୍ଡର କରିବାର କୌଣସି ଆବଶ୍ୟକତା ନାହିଁ, କାରଣ ବମ୍ବେ ଉଚ୍ଚ ନ୍ୟାୟାଳୟର ଗୋଆ ବେଂଚ ନିଜର ୬ ଅଗଷ୍ଟର ରାୟରେ ସରେଣ୍ଡର କରିବା ଉପରେ ଏକ ମାସର ରୋକ ଲଗାଇଛନ୍ତି।

ଗୋଆ ସରକାର ମାମଲାର ଗମ୍ଭୀରତାକୁ ଦୃଷ୍ଟିରେ ରଖି ତରୁଣ ତେଜପାଲଙ୍କୁ ଆଜୀବନ କାରାଦଣ୍ଡ ଦେବାକୁ ଦାବି କରିଛନ୍ତି। ଗୋଆ ସରକାର ବମ୍ବେ ଉଚ୍ଚ ନ୍ୟାୟାଳୟର ଗୋଆ ବେଂଚର ସେହି ରାୟକୁ ଚ୍ୟାଲେଞ୍ଜ କରିଛନ୍ତି, ଯେଉଁଥିରେ ତରୁଣ ତେଜପାଲଙ୍କୁ ଦୁଇଟି ଦୋଷ ପାଇଁ ୧୦-୧୦ ବର୍ଷର କଠୋର ଏକ ଦଣ୍ଡ ଭୋଗିବାକୁ ରାୟ ଦିଆଯାଇଛି। ଗୋଆ ସରକାର କହିଛନ୍ତି ଯେ ସମୟ ବିତିଯିବାର ଲାଭ ଅପରାଧୀଙ୍କୁ ଦିଆଯାଇପାରିବ ନାହିଁ। ଛଅ ଅଗଷ୍ଟରେ ବମ୍ବେ ଉଚ୍ଚ ନ୍ୟାୟାଳୟର ଗୋଆ ବେଂଚ ତରୁଣ ତେଜପାଲଙ୍କୁ ବରି କରିବାର ଟ୍ରାୟଲ କୋର୍ଟର ରାୟକୁ ରଦ୍ଦ କରିଦେଇଥିଲେ, କିନ୍ତୁ ଉଚ୍ଚ ନ୍ୟାୟାଳୟ ତରୁଣ ତେଜପାଲଙ୍କୁ ଦଶ ବର୍ଷର ସଶ୍ରମ କାରାଦଣ୍ଡର ସଜା ଶୁଣାଇଛନ୍ତି। ଉଚ୍ଚ ନ୍ୟାୟାଳୟ କହିଥିଲେ ଯେ ଘଟଣା ୧୩ ବର୍ଷ ପୂର୍ବରୁ ଘଟିଥିଲା ଏବଂ ଏହି ସମୟ ମଧ୍ୟରେ ତରୁଣ ତେଜପାଲଙ୍କ ପକ୍ଷରୁ କୌଣସି ଅପରାଧିକ କୃତ୍ୟର ସୂଚନା ନାହିଁ।

-----------------------------

---------------

ହିନ୍ଦୁସ୍ଥାନ ସମାଚାର / ଗଗନ