ନୂଆଦିଲ୍ଲୀ, ୨୨ ଅଗଷ୍ଟ(ହି.ସ.) – ଶନିବାର ଦିନ ଦିଲ୍ଲୀର କନଷ୍ଟିଚ୍ୟୁସନ କ୍ଲବ ଅଫ ଇଣ୍ଡିଆରେ ସାହିତ୍ୟ ଏବଂ ସାଂସ୍କୃତିକ ଉତ୍ସବ ସମୟରେ ଦୁଇଟି ପୁସ୍ତକ ଉନ୍ମୋଚନ କରାଯାଇଥିଲା।

ଏହି ଦୁଇଟି ଗୁରୁତ୍ୱପୂର୍ଣ୍ଣ ପୁସ୍ତକ ମଧ୍ୟରେ ରହିଛି ଡିଫେଣ୍ଡର୍ସ ଅଫ୍ ଅଖଣ୍ଡ ଭାରତ'(ଲେଖକ-ଡ. ଅଶୋକ ଉପାଧ୍ୟାୟ ଏବଂ ଡ. ଶୋଭା ଉପାଧ୍ୟାୟ) ଏବଂ ସିକ୍ସଟିନ ସଂସ୍କାରସ୍ ଅଫ୍ ସନାତନ ଧର୍ମ'(ଲେଖକ-ଡ. ଶୋଭା ଉପାଧ୍ୟାୟ)। ଏହି ପୁସ୍ତକଗୁଡ଼ିକର ମୁଖ୍ୟ ଉଦ୍ଦେଶ୍ୟ ହେଉଛି ଯୁବ ପିଢ଼ିକୁ ଭାରତର ସଭ୍ୟତାଗତ ଐତିହ୍ୟକୁ ବୁଝିବା, ସମ୍ମାନ ଦେବା ଏବଂ ଆଗକୁ ନେବା ପାଇଁ ପ୍ରେରିତ କରିବା।

ସେମାନଙ୍କର ମିଳିତ ଅଭିଭାଷଣରେ ଲେଖକମାନେ ଗୁରୁତ୍ୱାରୋପ କରିଥିଲେ ଯେ ଭାରତର ମହାନତା କେବଳ ଏହାର ସାମରିକ ଶକ୍ତି ନୁହେଁ, ବରଂ ଏହାର ସାଂସ୍କୃତିକ ମୂଲ୍ୟବୋଧ ଏବଂ ସଭ୍ୟତାର ନିରନ୍ତରତା ମଧ୍ୟ ରହିଛି।

ଆଜିର ସମୟରେ ଏହି ପୁସ୍ତକଗୁଡ଼ିକର ବାର୍ତା ଅତ୍ୟନ୍ତ ପ୍ରାସଙ୍ଗିକ ବୋଲି ବର୍ଣ୍ଣନା କରି ମୁଖ୍ୟ ବକ୍ତାମାନେ କହିଥିଲେ, ଅସ୍ତ୍ରଶସ୍ତ୍ର ଦେଶର ସୀମାକୁ ସୁରକ୍ଷା ଦେଉଥିବାବେଳେ ରୀତିନୀତି ଏହାର ଆତ୍ମାକୁ ସୁରକ୍ଷା ଦେଇଥାଏ।' ରାଜନୈତିକ ଉତ୍ଥାନ ଏବଂ ଅନେକ ଐତିହାସିକ ପରିବର୍ତନ ସତ୍ୱେ ଭାରତୀୟ ସଭ୍ୟତା ବର୍ଷ ଧରି କିପରି ଏବଂ କାହିଁକି ତିଷ୍ଠି ରହିଛି ତାହା ମଧ୍ୟ ଏହି ପୁସ୍ତକଗୁଡ଼ିକ ବିଶ୍ଳେଷଣ କରନ୍ତି।

ଇନ୍ଦିରା ଗାନ୍ଧୀ ଜାତୀୟ କଳା କେନ୍ଦ୍ର(ଆଇଜିଏନ୍ସିଏ)ର ଅଧ୍ୟକ୍ଷ ପଦ୍ମଭୂଷଣ' ରାମ ବାହାଦୂର ରାୟ ଏହି କାର୍ଯ୍ୟକ୍ରମରେ ଅଧ୍ୟକ୍ଷତା କରିଥିଲେ। ଗିରିରାଜ ସିଂହ, କେନ୍ଦ୍ର ବୟନ ଶିଳ୍ପ ମନ୍ତ୍ରୀ, ଡକ୍ଟର ସୁଧାଂଶୁ ତ୍ରିବେଦୀ, ରାଜ୍ୟସଭା ସଦସ୍ୟ ତଥା ଭାରତୀୟ ଜନତା ପାର୍ଟି(ବିଜେପି)ର ଜାତୀୟ ମୁଖପାତ୍ର, ପ୍ରଫେସର ବଲଦେବ ଭାଇ ଶର୍ମା, ବରିଷ୍ଠ ବିଜେପି ନେତା ତଥା ପୂର୍ବତନ ଜାତୀୟ ଉପାଧ୍ୟକ୍ଷ ଶ୍ୟାମ ଜାଜୁ ଜୀ ଏବଂ ପ୍ରଭାତ ପ୍ରକାଶନ ପରିଚାଳନା ନିର୍ଦ୍ଦେଶକ ପ୍ରଭାତ କୁମାର ଉପସ୍ଥିତ ଥିଲେ।

ହିନ୍ଦୁସ୍ଥାନ ସମାଚାର/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ବୀଣାପାଣି