ସକ୍ତି, ୧୮ ଜୁନ୍ - ଛତିଶଗଡ଼ର ସକ୍ତି ଜିଲ୍ଲାରେ ଓଡ଼ିଶାରୁ ରାଜସ୍ଥାନକୁ ପରିବହନ କରାଯାଉଥିବା ପ୍ରାୟ ୨୦୯ କିଲୋଗ୍ରାମ ଗଞ୍ଜେଇ ଜବତ କରିଛି ପୋଲିସ । ଏହି ମାମଲାରେ ଗୁରୁବାର ଦିନ ଜଣେ ଯୁବକ ଏବଂ ଜଣେ ନାବାଳକଙ୍କୁ ଗିରଫ କରାଯାଇଥିଲା । ଅପରେସନ୍ ସମୟରେ ଗଞ୍ଜେଇ, ଟ୍ରେଲର, ଫ୍ଲୋରସ୍ପାର୍ ପାଉଡର ଏବଂ ମୋବାଇଲ୍ ଫୋନ୍ ସମେତ ମୋଟ୍ ୧ କୋଟି ୬୬ ଲକ୍ଷ ୨୦ ହଜାର ୪୬୦ ଟଙ୍କା ମୂଲ୍ୟର ସମ୍ପତି ଜବତ କରାଯାଇଛି ।

 

ପୋଲିସ ଅଧୀକ୍ଷକ ପ୍ରଫୁଲ୍ଲ କୁମାର ଠାକୁର କହିଛନ୍ତି ଯେ, ଚୌକି ଫଗୁରମ ପ୍ରଭାରୀ ସବ୍ ଇନ୍ସପେକ୍ଟର ଅନୱର ଅଲ୍ଲୀଙ୍କ ନେତୃତ୍ୱରେ ପୋଲିସ ଦଳ ଜୁନ୍ ୧୭ ତାରିଖରେ ସୂଚନାଦାତାଙ୍କ ଠାରୁ ସୂଚନା ପାଇଥିଲେ ଯେ ଏକ ଟ୍ରେଲରରେ ବିପୁଳ ପରିମାଣର ଗଞ୍ଜେଇ ଭର୍ତି କରି ଓଡ଼ିଶାରୁ ରାଜସ୍ଥାନକୁ ପରିବହନ କରାଯାଉଛି ।

 

ଏହି ସୂଚନା ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରି ପୋଲିସ ଏନଡିପିଏସ ଆଇନର ବ୍ୟବସ୍ଥା ଅନୁସରଣ କରି ବୋଡାସାଗର ଗ୍ରାମରେ ସାଗର ପରିବାର ଢାବା ସମ୍ମୁଖରେ ଥିବା ଖରସିଆ-ଦାଭ୍ରା ମୁଖ୍ୟ ରାସ୍ତାରେ ଅବରୋଧ କରିଥିଲା ।

 

ଏହି ସମୟରେ, ଟାଟା ସିଗ୍ନା ଟ୍ରେଲର ନମ୍ବର ଆରଜେ ୦୯ଜିସି୫୨୧୬କୁ ଅଟକାଇ ଯାଂଚ୍ କରାଯାଇଥିଲା । ଖୋଜାଖୋଜି ସମୟରେ ଟ୍ରେଲରରେ ରଖାଯାଇଥିବା ୮ଟି ପ୍ଲାଷ୍ଟିକ୍ ବ୍ୟାଗରୁ ମୋଟ୍ ୪୦ ପ୍ୟାକେଟ୍ ଗଞ୍ଜେଇ ଜବତ କରାଯାଇଥିଲା । ପ୍ରତ୍ୟେକ ପ୍ୟାକେଟର ଓଜନ ପାଖାପାଖି ୫ କିଲୋଗ୍ରାମ ଥିଲା । ଜବତ ହୋଇଥିବା ଗଞ୍ଜେଇର ମୋଟ୍ ଓଜନ ୨୦୮,୯୬୫ କିଲୋଗ୍ରାମ ଥିବାବେଳେ ଏହାର ଆନୁମାନିକ ବଜାର ମୂଲ୍ୟ ୧ କୋଟି ୪୪ ଲକ୍ଷ ୪୮ ହଜାର ୨୫୦ ଟଙ୍କା ବୋଲି ଜଣାପଡ଼ିଛି ।